الرئيسية
المزاج
الواحد فر د ما يقبل التقسيم
بس انة انقسم وبدونك اتعدد
اتقسم بدونك وانجمع وياك
لان كلي وية كلك بيك يتوحد
جنت جاهل واجيك اتشرد من الناس
هسه اتعلمت من نفسي اتشرد
عشكتك ذرة ذرة وصرت اغار عليك
اذا محد يبوسك اذبح المحد
ولك لاتنطرح يم ناس تعبانيين
موطولك حصار شلون تتمدد
وشعرك ليلة ضلمة اتوحشت عالريح
كل ماهب عليها اتلفلفة باسود
وجبينك ايد موسى المعجزة البيضاء
مو حقه الكفر من شافك اتعبد
وفراشة نور اذنك والزلف خطار
مرة يحط عليهه ومرة يتبعد
وجفنينك سما ومجفي اعله رمشك ليل
اذا ترمش يضل فرقد يطك فرقد
يل عينك بحيرة كل هدوء الليل
ودموعك نوارس لومشت عالخد
وعله اخدودك صور منقوشة من بوسات
اباوع عالصور مابايسك احد
وشفتينك شمس من تبتسم نصين
يقطعها البرق وبنصها يتجمد
وحنجك صدربجعة انصاغت من النور
اذا ماتت شمس من نروك اتولد
ومثل زمزم ركبتك نص ذهب نص جام
وعين الماي هاي ال عالصدر تركد
وانام اباب صدرك واذنب وانخاك
كبتين الذهب ماتشفع الاحد
يبوايد الثلج لاتطلع بتموز
مو خاف الثلج خاف الخلك تبرد
واذا لامو ثلج كل هالبياض منين
معقول العظم فوك الجلد يصعد
يل جتفك منارة بيا شرع يادين
اموت من العطش وكبالك اتشهد
وحدر جتفك فرات ودجلة ملتقيات
وشفت شط العرب جوف الجتف ممتد
واباوع عالبطن مو ركبة الدلفين
لان عين الحياة بصرتك تركد
يبو تاج الكطن ليش افتحتلك باب
موخاف الكطن بالعين يتفرهد
خطواتك حضارة وخصرك التاريخ
اذا تمشي العرب فوك الفرس تصعد
وعلي كل ماتمر يجبرني حسن البيك
اوصفنك لجن من وصفك اتردد
لذلك ماوصفتك واعتذر يهواي وصفت الخيال المنك اتولد
..~..:":":":":":":":":":":":":":..~..●..~..تَـבَـي ْــتـےٍِ..~..●..~..:":":":":":":":":":":":":":..~. .