الرئيسية
المزاج
موكلمن فتحلك بابه يهواك
ولا كلمن يكرهك بابه ينسد
اكو مسدود بابه وكلبِه مفتوح
واكو مفتوح بابه و كلبه اسود
اذا طشيت صحبانك على الماي
اثكلهم وفه جواك يركد
واخففهم يضل طافح على الراي
يروح ويه الجزر ويرجعه المد
اذا تحتار سافر تعرف الناس
منو ايهد القطار و يوكف ازيد
اكو اشده ابحبل ويكطعه ويروح
واكو بكل شرف عالسجه ينشد
واكو بمشيه قطارك عينه تحتار
وبالحظه الاخيره وياك يصعد
واكو ايشيل المحطه ويه القطارات
ويدكه على كلبه وصدره ينسد
فرق بين اليعبدك بالمحطات
و فرق بين البنالك ابكلبه معبد
لاتامن بشر منطينه مخلوق
بس اربع طعش طينه محمد
موكلمن ضحكلك منه ترتاح
تره ناب الضبع كل ضحكه تنحد
ولا تحقد على كلمن يبجيك
اذا دمعك طفح صدكني تبرد
البشر دله ويفور ابداخله الضيم
وذا يطفح دمع نيرانه تخمد
ولا تحقد علىا لصعدو بلاجناح
معروف الصكر لوجنحه ينشد
و موكلمن نزل يسمى مذلول
ولا كلمن صعد يسمى امجد
اكوصاعد رغم ماهو عالكاع
واكو نازل يضل لوقمه يصعد
راسك منتصب اعلى من اليدين
بس من السهل تتناوشه اليد
وذا عندك جبل خلهم يصعدون
فرق بين الصعد والراد يصعد
اكو ايهده الجبل لو هد الجفوف
واكو ايهد الجبل لو جفه ينهد
وعلى المبرد كفر تنغرالسيوف
لان سيف اعلى سيف بكلبه ينحد
وذا عنهم رحل كلهم يخسرون
شنو ذبح السيوف ابليه مبرد
مايرحل جذب موخاف يعمون
ويضل السيف تالي ابكصبه ينصد
وذا تعزف لحن ويهمك انسان
لاتكطع كمانك صعبه ينشد
مرات الحن مايطرب الناس
و مرات البشر ذاناته تنسد
و مرات اللحن يطربله طرشان
بس طبع اليسمعه زور يشهد
على البلبل يكلك منكر صوت
وذا ينهك حماره ايصيح غرد
وذا حجيك حكم وتخاطب الناس
كل راس على كده وياك ينشد
لان روس البشر عكس الفراغات
وكل ما تنترس تستوعب ازيد
وذا تحجي ويرد صوتك كما كان
يعني اليستمع فارغ مجرد
صوتك مايرد للراسه متروس
لان بس بالفراغ الصوت يرتد
وذا ضيمك كبر لاتحجي بالعين
وتشوف الدينه كله ابلون اسود
منو بهذا الوكت ماغيره الضيم
حتى ابيوم الاحد ماكو احد
لاكن لا تضل تحسب توابيت
انا كبلك علي صب اسود العد
ارفعت راسي وكمت احسب بالعراس
وعلى خشم سواد الابيض امتد
ولو اذاني الطفل من شفته بالعيد
يشد بجروح ثوبه ودمعه عالخد
بس اني افرحت جه جته الاطفال
مسح كل الدموع وراح عيد
علمنه الطفل نصبر على الضيم
و طلع منه الطفل ايمانه ازيد
اريد اطرح قضيه وانتو اسلام
واريد اسأل جمعكم واطلب الرد
بنيتوا اشكد معابد كلهه عالكاع
منو البيكم بناله ابكلبه معبد
ماكولن كفر لوقله ايمان
لكن مهزله و ماألهه احد
لتلاثه الملاهي امفتحه بليل
و بالعشره الجوامع كلهه تنسد
..~..:":":":":":":":":":":":":":..~..●..~..تَـבَـي ْــتـےٍِ..~..●..~..:":":":":":":":":":":":":":..~. .